Haan Maine Gujrat Ka Manzar Dekha Hai

"Khoon Mein Dooba Aman Ka Paikar Dekha Hai,,

Zakhmi Zakhmi Ek Kabutar Dekha Hai...

Jalti Haveli Jalta Chappad Dekha Hai,,

Haan Maine Gujrat Ka Manzar Dekha Hai...

Naam Mera Mazloom Hai Main Ek Ladki Hoon,,

Jo Kuch Maine Dekha Hai Woh Batlati Hoon...

Ghar Ghar Aag Lagayi Hai Gaddaron Ne,,

Izzat Looti Dharm Ke Theke Daron Ne...

Dharti Pe Shaitanon Ka Lashkar Dekha Hai,,

Haan Maine Gujrat Ka Manzar Dekha hai...

Sharm Se Gardan Khamm Karli Haiwaanon Ne,,

Aisa Ghinauna khel Racha Insanon Ne...

Koi Darinda Bhi Na Kare Woh Kaam Kiya,,

Maa Ke Pet Ko Cheer Kar Bachcha Maar Diya...

Masoom Maa Ko Talwaron Per Dekha Hai,,

Haan Maine Gujrat Ka Manzar Dekha Hai...

Jisne Dekha Manzar Aag Ugalta Hua,,

Jisne Dekha Ghar Walon Ko Jalta Hua...

Le ke Shole Woh Bhi Nikal Aaye Kahin,,

Ruq Tasveer Ka Ultha Ho Jaye Na Kahin...

Sheehshe Ki Aankhon Mein Patthar Dekha Hai,,

Haan Maine Gujrat Ka Manzar Dekha Hai"...